in

انا متجوزة من سنتين ونص وحياتي كانت حلوة اوي بعد ما خلفت حياتي مبقتش حلوة

Question

انا متجوزة من سنتين ونص وحياتي كانت حلوة اوي بعد ما خلفت حياتي مبقتش حلوة مبقتش مبسوطه مع اني بحب البيبي جدا وبموت فيه، بس مفتقده حياتي انا وروقاني والوقت اللي بقضيه مع جوزي بقيت كئيبه ونكديه وعندي احساس انه مش عايز يقعد معايا بتخانق كل لحظه. الحياة بقت وحشه اوي ومش عارفه اتغير ومضايقه اوي انه معدش عنده اي شغف ليا ولما بساله بيقول لا انا لسه بحبك بس ان حاسه لا هو كويس انا اللي بقيت حساسه وحزينه طول الوقت ابني عنده سنة ونص نفسي ارجع مبسوطه ونفسي ابسطه انا زعلانه اوي ان حياتي بايظه كده وانا معنديش مشكله كبيرة مبعرفش افصل بتقمص وافضل مبوزة علي اقل سبب بقيت بحس انه بيحب يبعد عني ينام في اوضه تانيه، يتاخر بعد الشغل يقعد يلعب بالموبايل طول الوقت المهم منتكلمش اعمل ايه

FEMALE, AGE 29, MARRIED

عارفه اعلان الأمومه مش ساهله س مستاهله الجمله دى صح جدا و معبره جدا…الامومه شئ هديه و فضل و نعمه من الخالق ويا رب يحفظ ابنك. بس قصاد كده انت مطالبه انك تعيشى لنقسك بردوا عشان تقدرى تسعدى اللى حواليكى و ده طبعا بيبقى احيانا صعب وبييجى على اعصابك خصوصا ان ابنك لسه معتمد عليكى اعتماد كلى. الحل اولا انك ما تقارنيش بين شكل حياتك دلوقتى وقبل كده لان بكل بساطه الظروف مختلفه والأولويات مختلفه والأهم ان انت كمان مختلفه يعنى بكل بساطه لو جبنالك حياتك القديمه دلوقتى بردوا مش هترتاحى صدقينى.

ارسمى شكل حياة تالته لمرحله جديده لشكلك و نفسك الجدىده ما تتكسفيش انك تطلبى مساعده من الناس اللى بتثقى فيهم مع ابنك. و تستغلى الوقت ده تعملى حاجه لنفسك بتحبيها هيفرق معاكى جدا و هيديكى طاقه مع ابنك و جوزك.
بردوا فى ملحوظه كل جملك كاتبه فيها انا حاسه. الاحساس بيكون نتيجة فكره اسئلى نقسك ايه اللى بيولد الاحاسيس دى عنك و ابتدى اشتغلى عليها . انت مرهقه جسديا و نفسيا عشان كده مش قادره تدى اللى حواليكى. شاركى جوزك و قوليلوا انا عايزاك تدلعنى شويه و تبقى جنبى أكتر وتحسسنى انك بتحبنى أكتر
بصى دايما على نعم االى فى حياتك ده هيساعدك جدا فى تغيير المود بتاعك وفى نظرتك لحياتك عمتا

By Azza Abdel Aziz
Azza is a certified life coach from (IFCNLP) international
federation for coaching & NLP started her career in coaching
7 years ago & got her master degree in NLP in 2016.
She conducts one on one & group coaching sessions.
She is also a frequent guest on several TV & Radio shows.

Do you want to ask an expert?

Create your own user feedback survey

What do you think?

Written by Editor

Comments

Leave a Reply

Your email address will not be published. Required fields are marked *

Loading…

0

Comments

0 comments

احساسى بالفشل هيموتنى مش عارفة ده فشل ولا احباط

Sexual abuse and its effect on Intimacy!